ZERGATIK SALVADOS ETA PEPE MÚJICA?

Pepe Mújica, presidente txiro eta ona, azkenaldian asko ari da telebistan ateratzen, telebisten interesen eta hauen kontrola duen inperioaren intereserako gehiegi ezta? Usain txarra dakar honek. Salvados programan atera den geroztik, txundituta dago mundu guztia berarekin, baina ikus dezagun nor den benetan persona hau:

60. hamarkadan Tupamaroen mugimendua hasi zenean, Pepe Mújica gerrillan egon zen, Nazio Askapen Mugimenduan, mugimendu iraultzaile, autoktono ta sozialista. Gaur egun Frente Amplio  koalizioaren buru da, non mugimendu ezberdinak barnebilduta dauden, indar sozialdemokratak eta kristau-liberalak batez ere, bera Movimiento de Participación Popular alderdiko kidea da.

Telebistak esan dizkigun datu batzuk: ez da etxe presidentzialean bizi, bere etxe zaharrean bizi da, bere soldataren %90a ematen du, 100 haur siriar jasoko ditu etxe presidentzialean…

Oso pertsona ona ematen du, eredugarria, kapitalismoak behar duen pertsona: Mújica bezalako pertsonak oso ongi datorkio kapitalismoari zabaltzeko ez dela sistema krisian dagoena eta funtzionatzen ez duena, baizik eta pertsonak, korrupzioa. Honelako esaldiak esan ditu presidente urugaldarrak: “Era un mito que no se podían alcanzar los cambios con las reglas de la democracia liberal", Felipe Gonzalezek antzeko zerbait esan zuen bere garaian: “el capitalismo es el sistema menos malo”.

Mújicak, bere iragan iraultzailea eta bere herria saldu du, baina progre itxura ematen digu, modan dagoen kontzeptu eta politika hori, populismoz jende asko epaitu da, baina hau da populismoaren eredurik argiena. Itxura garbitzen duen bitartean, bere herriaren esplotazioa ahalbidetzen du, FMI zurituz eta transnazionalen okupazioa ahalbidetuz bere lurraldean.

Mújicaren gorazarreak jarraitzen duen bitartean, Venezuelako Iraultza Bolivartarraren kontrako estatu kolpe leunak jarraitzen du, Cubaren aurkako blokeo ekonomikoa, Boliviaren ontrako desestabilizazioa, eta beste eredu ekonomiko batean eratutako ALBA eta MERCOSUR aliantza latinoamerikarren aurkako erasoak…

Noizbait aterako dira herrialde hauek Salvadosen? Mújicak esan zuen noizbait Chavez bezalako pertsona gehiago behar direla. Ukrainan faxistek Europar Batasunaren eta Estatu Batuen laguntzaz egiten ari diren sarraskiak ere aterako dira? Ukrainako gobernua neo-naziez osatua dagoela aterako da? Odessako sindikatuen etxean 200 pertsona bizirik erre zituztela? Ospitalak bonbardatzen dituztela? Alderdi komunista ilegalizatu nahi dutela? Libian OTANek egindako sarraskia? Sirian mertzenario estatubatuarrek sortutako gerra?...

BOLIVAR DESPIERTA CADA 100 AÑOS, CUANDO DESPIERTAN LOS PUEBLOS! Amerikan esnatu da, 2. eta benetako independentzia lortzeko, inperialismoaren eta kapitalismoaren aurkako independentzia.

Lenin ere duela ia 100 urte lortutako garaipenaren ondoren esnatuko da? Eta Stalinek faxismoaren aurkako mailua astinduko du berriz? Beharrezkoa da.

Salvados-en ikusiko dugu, edo hobe genuke irrati libreak entzutea?

Kim Jong-Un